Coleddu'r Gorffennol, Addurno'r Presennol, Adeiladu ar gyfer y Dyfodol
Pentref Portmeirion
Popeth sydd angen i chi ei wybod cyn ymweld â Phentref a Gerddi Portmeirion.
Crëwyd Portmeirion gan y pensaer Cymreig Clough Williams-Ellis rhwng 1925 a 1976 i ddangos sut y gellid datblygu safle naturiol hardd heb ei ddifetha.
Mae Pentref a Gerddi Portmeirion yn un o brif atyniadau ymwelwyr Cymru, gan groesawu dros 200,000 o ymwelwyr bob blwyddyn.
Mwynhewch ymweliad tawelach â Phortmeirion a darganfyddwch y trysorau cudd sy'n dod i'r amlwg wrth i'r gwyrddni gilio.
Mae detholiad o gafés a siopau ar agor yn y pentref. Mae ein caffis yn cynnig lluniaeth ysgafn.
Sylwch nad yw rhai cyfleusterau ar gael yn ystod y cyfnod hwn. Cymerwch amser i edrych drwy ein gwefan am ragor o fanylion.
Mae detholiad o gafés ar agor yn y pentref.
Mae Caffi Neuadd y Dref, Caffi Glas, Caffi 6, Caffi'r Sgwâr a Chaffi'r Ddraig yn cynnig amrywiaeth o fwydlenni at bob chwaeth a gofyniad dietegol.
Mae Angel Ices yn gelateria arddull Eidalaidd sy'n gweini gelato cartref dilys, ynghyd â the, coffi a byrbrydau.
Mae tair siop yn y pentref: Siop Y Prisoner gyda chofroddion o'r gyfres enwog a ffilmiwyd yma yn 1966–67, Oriel Rob Piercy a Siop y Llong gyda rhoddion, teganau, nwyddau cartref, crochenwaith Portmeirion o'r safon orau ac ail ddewis, ynghyd â chyffeithiau, gwinoedd a melysion.
Mae gan Bortmeirion ddau westy: Gwesty Portmeirion a Chastell Deudraeth.
Mewn tywydd braf o ddydd Llun i ddydd Sadwrn, mae Teras Gwesty Portmeirion, sy'n edrych dros Aber Dwyryd, yn cynnig bwydlen ginio gyda gwasanaeth wrth y bwrdd. Ni dderbynnir archebion.
Ar ddydd Sul, mae Gwesty Portmeirion yn cynnig Cinio Sul traddodiadol. Mae angen archebu ymlaen llaw drwy ffonio 01766 772440.
Gweinir Te Prynhawn yng Ngwesty Portmeirion rhwng 14:30 a 15:30. Mae angen archebu ymlaen llaw drwy ffonio 01766 772440.
Mae Castell Deudraeth, ar y prif lôn, yn cynnig bwydlen ginio a bwydlen Cinio Sul, ac mae hefyd ar agor gyda'r nos ar gyfer swper. Mae taleb mynediad i Bortmeirion ar gael ar ôl cinio dau gwrs a archebir ymlaen llaw. Mae angen archebu drwy ffonio 01766 772400.
Cynhelir digwyddiadau preifat yng Ngwesty Portmeirion a Chastell Deudraeth. Gall hyn olygu eu bod ar gau i'r cyhoedd, ac ymddiheurwn os yw hyn yn achosi siom.
Sylwch, os oes archeb wedi'i gwneud ar gyfer Cinio Sul, cinio dau gwrs yng Nghastell Deudraeth neu De Prynhawn yng Ngwesty Portmeirion, nid oes angen archebu tocynnau ar-lein gan fod mynediad am ddim.
Mae gan Bortmeirion dair ar ddeg o fythynnod hunanarlwyo, sy'n cael eu gosod o ddydd Sadwrn i ddydd Sadwrn ac hefyd o ddydd Gwener i ddydd Llun yn ystod y gaeaf. Gellir eu harchebu ar-lein neu drwy ffonio 01766 770000.
Gofynnwn yn garedig i docynnau gael eu prynu ymlaen llaw ar-lein yn ystod ein cyfnodau prysur. Fel arall, mae tocynnau ar gael ar y diwrnod wrth y dollborth.
Ni roddir ad-daliad am docynnau na ddefnyddiwyd neu a ganslwyd.
Cynllunio Eich YmweliadRhwng 23 Tachwedd ac 11 Rhagfyr 2026, gall rhai golygfeydd gael eu heffeithio oherwydd gwaith paratoi ar gyfer y Ffair Nadolig.
Sylwch y bydd Portmeirion ar gau i ymwelwyr dydd ar 25 a 26 Rhagfyr 2026.
Sylwch na chaniateir cŵn nac anifeiliaid anwes ar dir Portmeirion. Mae hyn yn cynnwys Castell Deudraeth.
Caniateir cŵn cymorth a chŵn tywys. Gofynnwn yn garedig iddynt wisgo cot, tennyn neu goler, neu fod â dull arall o'u hadnabod, er mwyn cynorthwyo ein staff i'w hadnabod fel ci cymorth.
Am ragor o wybodaeth, gweler ein Cwestiynau Cyffredin neu ein Polisi Cŵn.
Ardal y Tollborth a’r Ganolfan Groeso yw prif fynedfa’r pentref gyda thoiledau cyhoeddus gerllaw ynghyd â Chaffi Rhif 6 a’r maes parcio i goestsys.
Ceir golygfeydd trawiadol o’r Traeth Bach o ben clogwyn Rhesdai’r Siantri. Mae llwybr i’r Wylfan ar y clogwyn a’r Ogof Gregyn o fwa’r Gatws. O dan y Ty Pont gellir clywed llais Clough Williams-Ellis yn adrodd peth o hanes codi’r pentref. Uwchlaw’r ffordd mae’r Gromen gydag arddangosfeydd tymhorol. Ceir rhagor o wybodaeth yn y Ganolfan Groeso.
Ar Sgwâr y Batri mae Sba’r Fôr-forwyn. Os cerddwch draw at Sba’r Fôr-forwyn, fe gewch olygfeydd o'r Traeth Bach. Ar Sgwâr y Batri mae'r Tŷ Crwn, lle mae Siop y Prisoner, dyma lle roedd llety Rhif 6 yn y gyfres enwog The Prisoner. Uchafbwynt Sgwâr y Batri yw’r Tŵr Clychau gerllaw.
Mae sgwâr canolog yn un o hanfodion unrhyw bentref Eidalaidd gwerth ei halen. Mae’r Sgwâr Canol ym Mhortmeirion yn cynnwys y ffynnon, yr Orchestfa, y Pafiliwn Gothig, Colofnres Bryste a’r bwrdd gwyddbwyll enfawr.
Yn Sgwâr y Gyfarchfa, fe welwch Fwa'r Fuddugoliaeth a’r Siop y Llong. O’r Sgwâr y ceir rhai o’r golygfeydd gorau o’r pentref.
Yn y rhan hwn o’r pentref mae ystafell hanesyddol Neuadd Ercwlff. Dyma neuadd gelfydd sy’n cynnwys nenfwd Jacobeaidd, paneli a ffenestri myliwn a achubwyd o Neuadd Emral yn Sir y Fflint.
Beth am fynd i grwydro’r Llwybr Arfordirol, yr aber, yr Amis Reunis, y Tŵr Gwylio a’r Casino i lawr wrth y Gwesty a Phen Cei? Yma, caiff gwesteion preswyl ymdrochi yn ein pwll nofio awyr agored wedi’i gynhesu (Mawrth–Hydref). Mae ystafelloedd achlysur preifat Ystafell y Drychau a Bwyty’r Traeth yn y rhan hwn o’r pentref hefyd.
O Fwa'r Fuddugoliaeth ar Sgwâr y Gyfarchfa mae dau brif lwybr yn arwain i’r Gwyllt. Gyda 70 erw o goedwigoedd ac 20 milltir o lwybrau, mae’r Gwyllt yn gartref i drysorau cudd o bob math, yn cynnwys Mynwent y Cŵn, Gardd yr Ysbrydion, y Llwyn Dyrys a’r Llyn Tsieineaidd. Mae golygfeydd syfrdanol o’r pentref i’w gweld o’r Wylfa, a ddyluniwyd gan Susan Williams-Ellis i ddathlu canmlwyddiant genedigaeth Clough.
Removed from the main village, Castell Deudraeth stands proudly on the main drive in and out of the village. This area is home to several large car parks and a dedicated disabled car park, as well as 2 self-catering cottages. The Ricardo Pearce Suite private function room is located at Castell Deudraeth.
