Bwyd cartref Eidalaidd
Y tu ôl i'r Porth Gorchest mae Caffi Glas (ailadeiladwyd ac ehangwyd yn 2007).
Mae gan Gaffi Glas seddi y tu mewn a thu allan ar lawnt y Caffi, gyda'i bedwar cerflyn clasurol, (un gan Jonah Jones), ffynnon dolffin gan J M Blashfield, a fâs Warwick fawr gan Mark Blanchard yn y canol.
O'r fan hon mae llwybrau'n ymestyn i erddi'r Gwyllt.
Mae Caffi Glas yn gweini bwyd Eidalaidd cartref mewn lleoliad godidog yn edrych dros y piazza canolog. Ymhlith yr eitemau ar y fwydlen mae pizza, pasta a saladau ffres.
Cydnabyddwn ddifrifoldeb alergeddau bwyd a gofynnwn i chi ddweud ymlaen llaw am unrhyw alergeddau a allai fod gennych a hysbysu’r staff ar y diwrnod. Cymerwn ofal mawr i leihau’r risg o groeshalogi ond nid cegin ddi-alergedd yw hon ac rydym yn trin cynhwysion alergaidd. Ni fydd Portmeirion Cyf / Siopau Portmeirion Cyf yn cymryd cyfrifoldeb am adweithiau niweidiol yn sgil prydau a gafwyd yma. Defnyddir yr alergenau canlynol yn ein cegin: llaeth, glwten, wyau, cnau, cnau daear, molysgiaid, crameniadau, pysgod, bysedd y blaidd, sylffitau, mwstard, sesami, soia, seleri.
